Fukrey 3 ’فُقرے 3‘ کی پہلی جھلک جاری، مزاحیہ فلم کب ریلیز ہوگی؟


بالی ووڈ کی مزاحیہ فلم ’فقرے‘ فرنچائز کی جانب سے ’فقرے 3‘ کی پہلی جھلک جاری کردی گئی ہے۔

بھارتی میڈیا رپورٹس کے مطابق فلم فقرے 3 میں پلکٹ سمراٹ، علی فضل، رچا چڈھا اور ورون شرما، منجوت سنگھ، پنکچ ترپاٹھی اداکاری کے جوہر دکھائیں گے جبکہ فلم 7 ستمبر کو بڑے پردے کی زینت بنے گی۔

فقرے کی کہانی چار دوستوں پر مبنی ہیں جس میں ہنی (پلکٹ سمراٹ)، چوچا (ورون شرما)، لالی (منجوت سنگھ) اور ظفر (علی فضل) شامل ہیں جو آسانی سے پیسہ کمانے کے لیے ایک ہوتے ہیں۔

ایکسل انٹرٹینمنٹ کی جانب سے فقرے کا پوسٹر ریلیز کرتے ہوئے لکھا گیا کہ ’اس بار ہوگا چمتکار۔‘ فلم کے ہدایت کار مرگدیپ سنگھ لامبا جبکہ اس کے پروڈیوسرز رتیش سدھوانی اور فرحان اختر ہیں۔

فقرے میں اپنے کردار چوچا سے متعلق ورون شرما کا کہنا تھا کہ ہر گھر میں اور دوستوں کے درمیان ایک نہ ایک ’’چوچا‘‘ ہوگا جو انتہائی معصوم اور مضحکہ خیز ہوگا۔ جس کے مزاحیہ انداز سے ہر اک کا دل لگا رہتا ہوگا۔

واضح رہے کہ فقرے 2013 اور فقرے ریٹرنز 2017 میں ریلیز کی گئی تھیں جو باکس آفس پر بلاک بسٹر ثابت ہوئی تھیں۔

Comments




#Fukrey #فقرے #کی #پہلی #جھلک #جاری #مزاحیہ #فلم #کب #ریلیز #ہوگی

Leave a Reply

Your email address will not be published. Required fields are marked *