ہیلمٹ پہننے کا مشورہ نظر انداز کرنے والی بائیکر کے ساتھ کیا ہوا؟ –


موٹر سائیکل کی سواری کرتے ہوئے ہیلمٹ پہننا نہایت ضروری ہے، ورنہ کسی حادثے کی صورت میں شدید جسمانی نقصان اٹھانا پڑ سکتا ہے، تاہم کچھ لوگ ایسے بھی ہوتے ہیں جو بائیک چلاتے ہوئے ہیلمٹ پہننا ضروری نہیں سمجھتے۔

سوشل میڈیا پر ایک ایسی ہی لڑکی کی ویڈیو وائرل ہورہی ہے جس نے ہیلمٹ پہننے کا مشورہ نظر انداز کردیا اور نقصان اٹھایا۔

وائرل ویڈیو بظاہر بھارت کی ہے، ویڈیو میں دیکھا جاسکتا ہے کہ ایک لڑکی اسکوٹی پر تیز رفتاری سے جارہی ہے۔

برابر میں ایک اور بائیکر اسے ہیلمٹ پہننے کا مشورہ دیتا ہے اور کہتا ہے کہ آگے پولیس ناکا ہے وہ روک لیں گے، تاہم لڑکی اسے نظر انداز کر کے آگے بڑھ جاتی ہے۔

لیکن تھوڑی ہی دیر بعد اسکوٹی کی ایک بائیک سے ٹکر ہوتی ہے جس پر اسکوٹی لڑکھڑاتی ہے اور لڑکی نیچے گر جاتی ہے، خوش قسمتی سے سائیڈ ریلنگ کی وجہ سے لڑکی بلندی سے گرنے سے محفوظ رہتی ہے۔

اس موقع پر ہیلمٹ پہننے کا مشورہ دینے والا شخص ہی اس کی مدد کرتا ہے اور اس کی اسکوٹی اٹھاتا ہے۔ لڑکی کے ہاتھوں پر چوٹ لگتی ہے اور خوش قسمتی سے وہ کسی بڑی چوٹ سے محفوظ رہتی ہے۔

Comments




#ہیلمٹ #پہننے #کا #مشورہ #نظر #انداز #کرنے #والی #بائیکر #کے #ساتھ #کیا #ہوا

Leave a Reply

Your email address will not be published. Required fields are marked *