پی ٹی آئی کے کارکنوں نے زمان پارک کے سامنے ٹینٹ لگالئے


لاہور : تحریک انصاف کے چیئرمین عمران خان کی گرفتاری کے خدشے کے پیش نظر زمان پارک کے سامنے پی ٹی کے کارکنوں نے ٹینٹ لگا لئے۔

تفصیلات کے مطابق رات گئے پی ٹی آئی کے آفیشل ٹوئٹر اکاؤنٹ سے کارکنان کیلئے ہدایت جاری کی گئی، جس میں کہا گیا تھا کہ حکومت آج عمران خان کو گرفتار کرنےکی کوشش کرے گی، تحریک انصاف کے کارکنان اپنے لیڈرکی حفاظت کیلئے زمان پارک پہنچیں۔

پی ٹی آئی آفیشل اکاؤنٹس سے الرٹ جاری ہونے کے بعد پی ٹی آئی کارکنان  رات گئے شدید سردی اور بارش کے باوجود زمان پارک پہنچ گئےاور پارٹی قائد کی رہائش گاہ کے باہر کیمپ لگالئے۔

کارکنان نے عمران خان کی حمایت اور حکومت کے خلاف نعرے بازی کی اور کہا عمران خان ہماری ریڈ لائن ہیں، جس کو کراس کرنے کی اجازت نہیں دیں گے، حکومت کو شکست نظر آرہی ہے اس لیے اوچھے ہتھکنڈوں پر اتر آئی ہے۔

پی ٹی آئی رہنما حماد اظہر بھی کارکنان کے ہمراہ عمران خان کی رہائشگاہ کے باہر موجود رہے۔

اس موقع پر ان کا کہنا تھا کہ حکومت عمران خان کی گرفتاری کے لیے ماحول بنا رہی ہے ،عمران خان کی حفاظت کے لیےکارکن موجود رہیں گے، حکومت کو یقین دہانی کرانی ہوگی کہ چیئرمین پی ٹی آئی زمان پارک میں محفوظ رہیں گے۔

Comments




#پی #ٹی #آئی #کے #کارکنوں #نے #زمان #پارک #کے #سامنے #ٹینٹ #لگالئے

Leave a Reply

Your email address will not be published. Required fields are marked *