پورے ملک میں عارضی اور غیرمعمولی لوڈ شیڈنگ ختم کر دی گئی ,خرم دستگیر


اسلام آباد : وفاقی وزیرتوانائی خرم دستگیر نے دعویٰ کیا ہے کہ پورے ملک میں عارضی اور غیرمعمولی لوڈ شیڈنگ ختم کر دی گئی۔

تفصیلات کے مطابق وفاقی وزیرتوانائی خرم دستگیر نے سماجی رابطے کی ویب سائٹ ٹوئٹر پر اپنے بیان میں کہا ہے کہ پورے ملک میں عارضی اور غیرمعمولی لوڈ شیڈنگ ختم کر دی گئی، آج صبح سے بجلی کی پیداوار تقریبا 14 ہزار میگا واٹ ہے، بجلی کی فراہمی معمول کے شیڈول کے مطابق جاری ہے۔

.

گذشتہ روز وفاقی وزیر برائے توانائی خرم دستگیر نے پاور شٹ ڈاؤن کے معاملے پر متضاد باتیں کرتے ہوئے کہا تھا کہ جوہری اور کول پاور پلانٹس سے بجلی کی پیداوار میں 48 سے 72 گھنٹے لگیں گے، لیکن یہ بھی دعویٰ کیا ہے کہ ملک بھر میں بجلی کا نظام مکمل بحال ہوچکا ہے۔

وفاقی وزیر کا کہنا تھا کہ وزیر اعظم نے بریک ڈاؤن کی تحقیقات کے لیے 3 رکنی کمیٹی بنا دی ہے، مصدق ملک کی سربراہی میں 2 سینیئر لوگ بریک ڈاؤن کی تحقیقات کریں گے، تحقیقاتی کمیٹی ہمیں براہ راست معاونت فراہم کرے گی۔

Comments




#پورے #ملک #میں #عارضی #اور #غیرمعمولی #لوڈ #شیڈنگ #ختم #کر #دی #گئی #خرم #دستگیر

Leave a Reply

Your email address will not be published. Required fields are marked *