پاکستان کی ہالینڈ میں قرآن پاک کی بے حرمتی کے واقعے کی شدید مذمت


اسلام آباد : پاکستان نے ہالینڈ میں قرآن پاک کی بے حرمتی کے واقعے کی شدید مذمت کرتے ہوئے کہا اس طرح کے واقعات سےعالمی برادری کے درمیان انتشار پیدا ہوسکتا ہے۔

تفصیلات کے مطابق پاکستانی دفتر خارجہ کے ترجمان کی جانب سے ہالینڈ میں قرآن پاک کی بے حرمتی کے واقعے کی شدید مذمت کرتے ہوئے کہا گیا ہے کہ یہ آزادی اظہارکی آڑ میں اشتعال انگیزاسلاموفوبک جرم ہے۔

ترجمان کا کہنا تھا کہ ایسی کارروائیوں سےدنیابھرکےمسلمانوں کےجذبات کوٹھیس پہنچتی ہے اور اس طرح کے واقعات سےعالمی برادری کے درمیان انتشار پیدا ہوسکتا ہے۔

یاد رہے سوئیڈن کے بعد ہالینڈ میں بھی قرآنِ مجید کی بے حرمتی کا گھناؤنا واقعہ پیش آیا،ہالینڈ کے درالحکومت ہیگ میں ایک انتہا پسند نے گھناؤنا فعل انجام دیا اور پولیس تماشائی بنی رہی۔

ترکیہ نے نیدر لینڈ کے سفیر کو طلب کر کے اس اشتعال انگیز واقعہ پر شدید احتجاج کیا۔

سعودی وزارتِ خارجہ کی جانب شدید مذمت کرتے ہوئے کہا گیا ہے کہ ہالینڈ میں قرآنِ مجید کی بے حرمتی سے امتِ مسلمہ کے جذبات کو مجروح کیا گیا۔

اس کے علاوہ مصر، متحدہ عرب امارات، قطر،اور ،انڈونیشیا اور کویت نے اس دلخراش واقعے کی شدید مذمت کی ہے۔

Comments




#پاکستان #کی #ہالینڈ #میں #قرآن #پاک #کی #بے #حرمتی #کے #واقعے #کی #شدید #مذمت

Leave a Reply

Your email address will not be published. Required fields are marked *