میرا مورال بلند ہے، یہ جنگ عمران خان ہی جیتے گا، فواد چوہدری


اسلام آباد : تحریک انصاف کے رہنما فواد چوہدری نے کہا ہے کہ میرا مورال بلند ہے لیکن جو کچھ ہورہا وہ ملک کیلئے اچھا نہیں۔

یہ بات انہوں نے پمز اسپتال میں طبی معائنے کے بعد میڈیا سے گفتگو کرتے ہوئے کہی، ان کا کہنا تھا کہ پاکستان کے اندرتقسیم بڑھادی گئی ہے۔

فواد چوہدری نے کہا کہ یہ لوگ چاہتے ہیں کہ ملک بھر میں عمران خان کا نام لینے والا کوئی باقی نہ رہے، یہ ان کی بھول ہے۔

ایک سوال کے جواب میں رہنما تحریک انصاف نے کہا کہ کوئی ایشو نہیں، اس سختی کو بھی ڈیل کرلیں گے،
اصل جدوجہد تو عمران خان کی ہے اور ہم کپتان کے ساتھ ہیں۔

میڈیا سے اپنی مختصر سی گفتگو میں ان کا مزید کہنا تھا کہ یہ جنگ عمران خان ہی جیتے گا۔

فواد چوہدری کا دو دن کا جسمانی ریمانڈ منظور

واضح رہے کہ جوڈیشل مجسٹریٹ نے پی ٹی آئی رہنما فواد چوہدری کا دو دن کا جسمانی ریمانڈ منظور کیا اور انہیں 27 جنوری کو دوبارہ پیش کرنے کا حکم دیا ہے۔

پولیس کی جانب سے فواد چوہدری کے 8 روزہ جسمانی ریمانڈ کی استدعا کی گئی تھی جسے عدالت نے مسترد کرتے ہوئےانہیں 27 جنوری کو دوبارہ پیش کرنےکا حکم سنایا ہے۔

Comments




#میرا #مورال #بلند #ہے #یہ #جنگ #عمران #خان #ہی #جیتے #گا #فواد #چوہدری

Leave a Reply

Your email address will not be published. Required fields are marked *