عرب بیوی کو بچاتے ہوئے پاکستانی شوہر نے جان دے دی Asian husband dies while saving Arab wife Sharjah


شارجہ: ایک پاکستانی شوہر نے شارجہ میں اپنی عرب بیوی کو بچاتے ہوئے جان دے دی۔

خلیجی اخبارات کی رپورٹس کے مطابق شارجہ پولیس جنرل کمانڈ ایک 24 سالہ پاکستانی شہری کی موت کے سلسلے میں تحقیقات کر رہی ہے، جو اپنی عرب بیوی کو ڈوبنے سے بچانے کی کوشش کے دوران ڈوب پر جاں بحق ہو گیا۔

یہ واقعہ اتوار کی رات شارجہ کے الممزر ساحل پر پیش آیا، جس میں ایک پاکستانی شوہر اپنی عرب بیوی کو ڈوبنے سے بچاتے ہوئے خود سمندر کی لہروں کی نذر ہو گیا۔

عرب خاتون الممزر ساحل پر تیراکی کے دوران اونچی لہروں میں پھنس گئی تھیں، یہ منظر دیکھ کر پاکستانی شوہر انھیں بچانے کی کوشش کے دوران خود سمندر میں ڈوب گئے۔

ریسکیو ٹیموں اور ساحل پر موجود لوگوں نے خاتون کو بچا لیا، تاہم ان کے شوہر کو نہ بچایا جا سکا، بعد ازاں خاتون کو فوری طبی امداد فراہم کی گئی۔

سینٹرل آپریشن روم کو واقعے کی اطلاع ایک مقامی شہری نے دی، جس پر اہلکاروں نے مستعدی سے کارروائی کی، ٹیم نے پاکستانی شہری کی لاش سمندر سے نکال لی ہے۔

رپورٹس کے مطابق شارجہ پولیس کی ریسکیو ٹیموں، اور شارجہ سول ڈیفنس اتھارٹی کی میری ٹائم ریسکیو ٹیم نے عوام کے تعاون سے خاتون کو بچایا۔

شارجہ پولیس نے عوام سے اپیل کی ہے کہ سمندر میں طغیانی کے دوران تیراکی سے گریز کیا جائے۔

Comments




#عرب #بیوی #کو #بچاتے #ہوئے #پاکستانی #شوہر #نے #جان #دے #دی #Asian #husband #dies #saving #Arab #wife #Sharjah

Leave a Reply

Your email address will not be published. Required fields are marked *