سوئیڈن : عالمِ اسلام کے شدید دباؤ پر سوئیڈن کی حکومت نے ملک میں قرآن پاک کی بے حرمتی کے مرتکب افراد کے اس فعل کو سختی سے مسترد کرتے ہوئے اس کی مذمت کی۔
تفصیلات کے مطابق سوئیڈن میں قرآنِ پاک کی بے حرمتی کے خلاف مسلم ممالک میں احتجاجی مظاہروں کا سلسلہ جاری ہے۔
پاکستان میں سوئیڈن کے سفارت خانے نے سماجی رابطے کی ویب سائٹ ٹوئٹر پر اپنے کہا کہ سوئیڈن کی حکومت اسلامو فوبیا کا شکار انتہا پسندوں کی طرف سے کیے گئے فعل کو سختی سے مسترد کر تی ہے۔
The Islamophobic act committed by a far-right extremist in #Sweden is strongly rejected by the Swedish Government. This act does not in any way reflect the opinions of the Swedish Government. pic.twitter.com/J2bXfmGXdE
— Sweden in Pakistan (@SwedeninPK) January 27, 2023
سفارت خانے کا کہنا تھا کہ انتہا پسندوں کا یہ عمل کسی بھی طرح سوئیڈن کی حکومت کی رائے کی عکاسی نہیں کرتا۔
واضح رہے کہ سوئیڈن میں کچھ روز قبل اسلامو فوبیا کے شکار انتہاپسندوں کی جانب سے قرآن کریم کی بے حرمتی کا مذموم واقعہ پیش آیا تھا۔
بعد ازاں پاکستان نے سویڈن میں قرآن پاک کے بے حرمتی کی اجازت کی شدید مذمت کرتے ہوئے کہا کہ اسلاموفوبیا پر مبنی کارروائی سے دنیا بھر کے مسلمانوں کی دل آزاری ہوگی، ایسی کارروائیاں کسی بھی طرح سے آزادی اظہار رائے کی آڑ میں جائز نہیں۔
ممتاز زہرا بلوچ کا کہنا تھا کہ اسلام امن کا دن ہے، پاکستان سمیت دنیا بھر کے مسلمان دوسرے مذاہب کا احترام کرتے ہیں۔
ترجمان نے کہا تھا کہ سویڈن کے حکام کو پاکستان کی تشویش سے آگاہ کر دیا گیا ہے، سویڈش حکام اسلاموفوبیا کی روک تھام کے لیے اقدامات کریں۔
Comments
#عالم #اسلام #کے #شدید #دباو #پر #سوئیڈن #حکومت #کی #قران #پاک #کی #بے #حرمتی #کی #مذمت